Messi Dünya Çempionatında oynayıb-oynamayacağına hələ qərar verməyib

Argentinalı hücumçu Lionel Messi qarşıdan gələnDünya Çempionatında oynayıb-oynamayacağına hələ qərar verməyib. Hücumçu hazırda baş məşqçi Lionel Skaloni ilə bu məsələni müzakirə edir.

"Düzünü desəm, bu barədə artıq danışmışıq. Skaloni hər şeyi başa düşür və bu barədə çox müzakirə etmişik. O, həmişə mənə deyir ki, məni orada istənilən rolda görmək istəyir. Bizim çox etibarlı münasibətlərimiz var və hər şey haqqında danışa bilərik.

Amma, açığı, Dünya Çempionatına mövsümün ortasında hazırlıq mənim üçün hər şeyi dəyişir. Bu, yeni mövsümə sıfırdan başlamaq kimidir və hazırlıq mənə çox kömək edəcək, çünki avropalı oyunçular həmişə olduğu kimi, Dünya Çempionatına çoxlu oyunla gəlirlər. Qətər istisna olmaqla, mövsümün ortasında idi və çoxları daha az iş yükü olduğu üçün özlərini daha yaxşı hiss edirdilər.

Ümid edirəm ki, 2026-cı il Dünya Çempionatında iştirak edə bilərəm. Orada olmağı nə qədər çox istədiyimi artıq demişəm. Ən pis ssenaridə matçları televiziyada canlı izləyəcəyəm, amma yenə də xüsusi bir şey olacaq. Dünya Çempionatı hər kəs üçün, istənilən ölkə üçün - xüsusən də bizim üçün, çünki Argentinada biz bunu tamamilə fərqli yaşayırıq", - futbolçu ESPN-ə verdiyi müsahibədə bildirib.
Əziz MUSTAFA