«Bude‑Glimt» Çempionlar Liqasının pley-off mərhələsində «İnter»i məğlub etdi

10:41

Bəyəndim (1) Bəyənmədim (0)

Norveçin «Bude‑Glimt» komandası turnirin pley-off mərhələsinin ilk oyununda İtaliyanın «İnter» klubunu məğlub etdi.
Oxuməni.az xəbər verir ki, Bude şəhərində keçirilən görüş 3:1 hesabı ilə başa çatdı. Ev sahiblərinin heyətində Sondre Brustad-Fet, Yens-Petter Hauqe və Kasper Hoq fərqləndi. «İnter»də isə qolu Fransesko Espozito vurdu.
Norveç klubu turnirdə ardıcıl üçüncü qələbəsini qazandı. Qrup mərhələsində əvvəlcə «Mançester Siti»ni (3:1), sonra isə Madridin «Atletiko»sunu (2:1) məğlub etmişdi.
Cavab oyunu 24 fevralda Milan şəhərində keçiriləcək.
Günün digər oyunlarında «Bryugge» «Atletiko» ilə 3:3 hesabı ilə heç-heçə etdi, «Olimpiakos» isə «Bayer»ə 0:2 hesabı ilə uduzdu.
Almaz Həsənli