Afrika Kubokunun finalında Mərakeşlə qarşılaşan Seneqala texniki məğlubiyyət verildi

Afrika Futbol Konfederasiyası (CAF) rəsmi saytında iki ay sonra Seneqal milli komandasının Afrika Millətlər Kubokunun Mərakeşlə final matçında texniki məğlubiyyət aldığını açıqlayıb.
Oxuməni.az xəbər verir ki, CAF-nın Apellyasiya Komitəsi Mərakeşin Seneqal futbolçularının finalın sonunda meydanı tərk etməsi ilə bağlı apellyasiyasını təmin edib.
Beləliklə, turnirin çempionu Mərakeş millisi elan edilib.
Rəsmi bəyanatda deyilir: "Apellyasiya Şurası Afrika Millətlər Kuboku Reqlamentinin 84-cü maddəsinə uyğun olaraq, Seneqal milli komandasının Mərakeşdə keçirilən Afrika Millətlər Kubokunun final matçında Mərakeşin xeyrinə 3:0 hesabı ilə məğlub elan edilməsinə qərar verib."
Xatırladaq ki, Afrika Millətlər Kubokunun skandallı finalı yanvarın 18-də Mərakeşin paytaxtı Rabatda keçirilib və Seneqallıların 1:0 hesablı qələbəsi ilə başa çatıb.
Əvvəlcə hakim Seneqallıların qolunu saymayıb, sonra isə 90+8-ci dəqiqədə Seneqalın qapısına mübahisəli penalti təyin edib.
Seneqal millisinin futbolçuları etiraz əlaməti olaraq meydanı tərk ediblər, lakin qısa müddət sonra komandanın lideri Sadio Mane oyunçuları geri qaytarıb.
"Real"ın mərakeşli oyunçusu Brahim Dias penaltini reallaşdıra bilməyib.
Əlavə vaxtlarda bəxt Seneqal millisinə gülüb və "Vilyarreal"dan Pap Qaye güclü zərbə ilə hesabı açıb və görüşün qəhrəmanı olub. Bu, finalda Seneqalın qələbəsini təmin edən yeganə qol oldu.
Seneqal Futbol Federasiyası Afrika Futbol Konfederasiyasının (CAF) milli komandanın 2026-cı il Afrika Millətlər Kuboku finalının Mərakeşə qarşı oyununu ləğv etmək qərarından İdman Arbitraj Məhkəməsinə (CAS) apellyasiya şikayəti verəcək. Federasiyanın mətbuat xidməti bildirib ki, bu, Seneqal Futbol Federasiyasının (CAF) qərarıdır.
Almaz Həsənli