Ronaldu 2030-cu il Dünya Çempionatında oynaya biləcəyini bildirib
41 yaşlı “Əl-Nəsr” və Portuqaliya millisinin hücumçusu Kriştianu Ronaldu 2030-cu il Dünya Kubokunda oynayacağını istisna etməyib. Onun turnir başlayanda 45 yaşı olacaq. Oxuməni.az xəbər verir ki, bu barədə Ronaldu DAZN-ə verdiyi müsahibədə bildirib.
"Mən 2030-cu il Dünya Kubokunda oynamaqdan imtina etməmişəm. Hələ də 41 yaşımda hər həftə qol vururam, ona görə də bəlkə daha dörd il oynaya bilərəm", - deyə Ronaldu bildirib.
2030-cu il Dünya Kuboku altı ölkədə keçiriləcək. Cənubi Amerika açılış oyunlarına ev sahibliyi edəcək: Uruqvay, Argentina və Paraqvay hər birində bir oyun keçiriləcək. Turnirin əsas hissəsi İspaniya, Portuqaliya və Mərakeşdə keçiriləcək.
Portuqaliyanın indiyə qədər Dünya Çempionatlarındakı ən yüksək nailiyyəti 1966-cı ildə qazanılan üçüncü yerdir.
Almaz Həsənli
