"Atletiko" Çempionlar Liqasının yarımfinalında "Arsenal"la heç-heçə oynadı

Madrid şəhərində Çempionlar Liqasının ikinci yarımfinal matçı keçirildi. "Atletiko" Londonun "Arsenal" komandasını qəbul etdi. Komandalar 1:1 hesabı ilə heç-heçə qaldılar.
Oxuməni.az xəbər verir ki, bir gün əvvəl PSJ-nin "Bavariya" ilə keçirdiyi möhtəşəm oyundan (5:4) sonra, Madridə də oxşar bir şeyin təkrarlanacağını az adam gözləyirdi. Həm "Atletiko", həm də xüsusilə indiki "Arsenal" ehtiyatlı komandalardır. Əlbəttə, parlaq oyunlar olur, lakin əsasən müdafiəyə daha çox fikir verirlər.
Bu görüş də ən çox qol vurulan oyunlardan olmadı. Baxmayaraq ki, hər iki tərəf daha çoxuna ümid edə bilərdi. İlk qolu "topçular" vurdu: 44-cü dəqiqədə penaltidən Viktor Dyokereş fərqləndi. Lakin, ikinci hissənin lap əvvəlində "Atletiko" hesabı bərabərləşdirdi - 11 metrlik məsafədən də dəqiq zərbəni Xulian Alvareş endirdi. Yeri gəlmişkən, Alvareş bu mövsümdə Çempionlar Liqasında artıq on qol vurub - bu, "matrasçılar"ın tarixində ilk belə haldır.
Oyunun sonunda hər iki komanda qələbə qazana bilərdi, lakin "Arsenal" uğura daha yaxın idi. Hakim Danni Makeli 78-ci dəqiqədə Madridlilərin qapısına penalti təyin etdi, lakin VAR-a baxışdan sonra qərarını dəyişdi. Nəticə olaraq - 1:1 hesablı mübarizəli heç-heçə.
Bu komandalar arasında cavab oyunu gələn çərşənbə axşamı, mayın 5-də Londonda keçiriləcək.
Almaz Həsənli