"Mançester Yunayted" - "Liverpul" matçında beş qol vuruldu!

Premyer Liqanın 35-ci turunda "Mançester Yunayted" "Liverpul"u 3-2 hesabı ilə məğlub edərək növbəti mövsüm Çempionlar Liqasına vəsiqə qazandı.

İngiltərə Premyer Liqasının 35-ci turunda "Mançester Yunayted" "Liverpul"la qarşılaşdı. "Old Trafford"da keçirilən matç "Mançester Yunayted"in 3-2 hesablı qələbəsi ilə başa çatdı.

Sürətli başlanğıcdan sonra "Mançester Yunayted" 6-cı dəqiqədə Mateus Kunya və 22-ci dəqiqədə Benjamin Şeşkonun qolları sayəsində 2-0 hesabı ilə irəli çıxdı.

Qonaq komanda ikinci hissəyə daha sürətli başladı. Liverpul 47-ci dəqiqədə Dominik Szoboszlainin və 56-cı dəqiqədə Kodi Qakponun qolları sayəsində hesabı 2-2 etdi.

Hesab bərabərləşdikdən sonra hər iki komanda təhlükəli hücumlar etdi, lakin Mançester Yunayted qol vurdu. Ev sahibləri 77-ci dəqiqədə Kobbi Meynin qolu sayəsində yenidən önə keçdilər və matçda 3-2 hesabı ilə qalib gəldilər.

Bu nəticə ilə xallarının sayını 64-ə çatdıran Mançester Yunayte gələn il Çempionlar Liqasına vəsiqə qazandı. Üç həftə sonra liqada məğlub olan Liverpul 58 xalla qaldı. Növbəti liqa mərhələsində Mançester Yunayted Sanderlendə səfər edəcək. Liverpul Çelsini qəbul edəcək.

Əziz Mustafa