Futbol üzrə Dünya Çempionatının qalibinə kuboku Tramp təqdim edəcək

08:02

Bəyəndim (1) Bəyənmədim (0)

FIFA Prezidenti Canni İnfantino çoxdan gözlənilən 2026-cı il Dünya Kuboku finalı ilə bağlı mühüm bir açıqlama verdi.
İnfantino ABŞ Prezidenti Donald Trampın turnirin final matçına qatılacağını və çempionluq kubokunu qalib komandaya təqdim edəcəyini açıqladı.

İnfantino 19 iyulda Nyu-Cersidə keçiriləcək möhtəşəm finala hazırlıqların davam etdiyini qeyd edərək bildirib: "Prezident Tramp və mən finalı tribunadan izləyəcəyik və matçdan sonra kuboku birlikdə yeni dünya çempionuna təqdim edəcəyik".

Trampın bu böyük tədbirin mükafatlandırma mərasimində baş rolu ifa etməsi ötən il Nyu-Cersidə keçirilən Klublararası Dünya Kuboku finalını xatırlatdı. Həmin finalda Çelsi Paris Sen-Jermen komandasını məğlub edərək çempionluğu qazandı və İngiltərə komandasının kapitanı Ris Ceyms kuboku Donald Trampdan aldı. Lakin mərasimdən sonra Tramp platformada qaldı və meydanda oyunçularla birlikdə çempionluq şənliklərinə qoşuldu ki, bu da sosial mediada geniş reaksiyaya səbəb oldu. O dövrdə bəzi Çelsi oyunçularının çaşqınlığı geniş müzakirə edildi.

Əziz MUSTAFA