2026-cı il Dünya Çempionatının qalibləri tarixdə ilk dəfə çempionluq üzükləri alacaqlar

Beynəlxalq Futbol Federasiyası (FİFA) 2026-cı il dünya çempionatının qalibi olacaq komandanın oyunçuları və məşqçiləri üçün xüsusi mükafatlar hazırlayıb. Oxuməni. az xəbər verir ki, bu barədə təşkilatın rəsmi saytında məlumat verilib.

Mundialın qalibləri çempionluq üzükləri ilə təltif olunacaqlar. Bu ənənə müxtəlif idman növləri üzrə peşəkar Amerika liqaları üçün xarakterikdir. Bəzək əşyasının bir tərəfində Dünya Kuboku, digər tərəfində isə qalib yığmanın loqosu təsvir olunacaq. Hər bir üzük nömrələnəcək, ölçüyə uyğunlaşdırılacaq və orijinallıq sertifikatı ilə təmin ediləcək.

Hər bir üzük məhdud sayda — turnirin keçirildiyi 2026-cı ilə işarə olaraq cəmi 2026 ədəd fərdi nömrəli nüsxədə buraxılacaq. Bunlardan 30-u qalib komandanın futbolçularına və məşqçilərinə təqdim olunacaq, qalan 1996 ədəd isə FİFA-nın rəsmi lisenziyalı məhsulu kimi dünya üzrə satışa çıxarılacaq.

Final matçı bitdikdən dərhal sonra qalib komandanın kapitanı və baş məşqçisi təntənəli mərasim üçün müvəqqəti üzüklər alacaqlar. Daha sonra 30 çempionluq üzüyünün hər biri fərdi sifarişlə hazırlanacaq və rəsmi təqdimetmə mərasimi hazır olduqdan sonra keçiriləcək.

2026-cı il Dünya Çempionatı ABŞ, Kanada və Meksikada keçirilir. İyulun 19-da keçiriləcək finalda Argentina yığması İspaniya ilə qarşılaşacaq. Görüş Nyu-Cersidəki arenada baş tutacaq və Bakı vaxtı ilə saat 23:00-da başlayacaq.

Almaz Həsənli