2030-cu il Dünya Çempionatının oyunları altı ölkədə keçiriləcək
2026-cı il Dünya Çempionatı başa çatdı. Növbəti turnirə qədər geri sayım artıq başlayıb – növbəti yarışa üç qitədən altı ölkə ev sahibliyi edəcək.
Oxuməni. az xəbər verir ki, 2026-cı il Dünya Çempionatı tarixin ən böyük miqyaslı turniri oldu, çünki ilk dəfə olaraq üç ölkədə keçirildi, 2030-cu ildə isə turnirin miqyası daha da genişlənəcək. İspaniya və Portuqaliyanın birgə ev sahibliyi ilə bağlı müraciəti 11 dekabr 2024-cü ildə FİFA-nın növbədənkənar konqresində təsdiqlənib. Turnirin üçüncü əsas ev sahibi isə Mərakeş olacaq.
Bundan əlavə, 1930-cu ildə Uruqvayda keçirilmiş ilk Dünya Çempionatının 100 illik yubileyi ilə əlaqədar olaraq, FİFA bu ölkəyə ehtiramını bildirmək qərarına gəlib – turnirin açılış oyunlarından biri orada keçiriləcək. Cənubi Amerika futboluna hörmət əlaməti olaraq, daha iki oyun Argentinada (1930-cu il Dünya Çempionatının finalçısı) və Cənubi Amerika Futbol Konfederasiyasının (CONMEBOL) mənzil-qərargahının yerləşdiyi Paraqvayda baş tutacaq.
2030-cu ildə turnir 8 iyundan 21 iyula qədər davam edəcək. Bu, tarixin ən uzunmüddətli Dünya Çempionatı olacaq.
Açılış matçı iyunun 8-də Montevideodakı (Uruqvay) əfsanəvi "Sentenario" stadionunda keçiriləcək. Növbəti iki oyun Buenos-Ayresdəki (Argentina) "El Monumental" stadionunda və Asunsyonda (Paraqvay) baş tutacaq. Bundan sonra turnirin qalan hissəsi Avropa və Afrikaya keçəcək.
Böyük ehtimalla, Dünya Çempionatının həlledici matçına Madriddəki "Santyaqo Bernabeu" stadionu ev sahibliyi edəcək.
Almaz Həsənli
