Çin ABŞ-ın “vahid Çin” prinsipini pozduğunu iddia edir

Birləşmiş Ştatlar Tayvan adasına növbəti silah tədarükünü planlaşdırmaqla “vahid Çin” prinsipini ciddi şəkildə pozur. Bu barədə Çin Xalq Respublikası Müdafiə Nazirliyinin rəsmi nümayəndəsi Çjan Syaoqanq bildirib.

“Birləşmiş Ştatlar tərəfindən Çinin Tayvan bölgəsinə silah tədarükü “bir Çin” prinsipini və üç birgə kommünikeləri ciddi şəkildə pozur. Bu da Tayvan boğazında sülh və sabitliyi əhəmiyyətli dərəcədə təhlükə altına alır”, - Zhang Xiaogang WeChat sosial şəbəkəsində Çin hərbi səhifəsində dərc olunan bəyanatda bildirib.

Rəsmi nümayəndə Pekinin kəskin narazılığını ifadə etdiyini və bununla bağlı artıq ABŞ hakimiyyətinə ciddi təqdimat etdiyini vurğulayıb. "Birləşmiş Ştatlar tayvanlıları dəstəkləmək üçün silahdan istifadə edərək onlara çox yanlış siqnal göndərir. Bununla Birləşmiş Ştatlar Tayvanı addım-addım hərbi təcavüzə doğru sövq edir",- deyə o əlavə edib:

Zhang Xiaogang xatırladıb ki, Tayvan məsələsi Çin-Amerika münasibətlərində keçilə bilməyən qırmızı xəttdir.

Oxuməni.az