Türkiyə öz proqram təminatını inkişaf etdirməyə başlaya bilər

Türkiyənin “Sabah” qəzeti yazır ki, Livanda məişət rabitəsi avadanlığının bir sıra partlayışları ölkənin milli təhlükəsizliyini təmin etmək üçün müstəqil proqram təminatı hazırlamalı olan türk yüksək texnologiyalı proqram və aparat tərtibatçılarına bir siqnaldır.

"Dərs ondan ibarətdir ki, bu vəhşilik “Hizbullah”dan çox-çox kənara çıxır və gələcəkdə təhlükəyə çevrilə bilər. Yəni, smartfonlar, avtomobillər, məişət texnikası və kompüterlər kimi texnoloji məhsulların da kütləvi silaha çevrilməsi riski. Bu baxımdan milli və yüksək texnologiya sahəsində müstəqil proqram və texniki təchizat bu gün Türkiyə üçün milli təhlükəsizlik məsələsidir,- “Sabah”.

Çərşənbə axşamı, sentyabrın 17-də, təxminən, eyni vaxtda, Livan şiə hərəkatı “Hizbullah” üzvlərinin istifadə etdiyi peycerlər bütün Livanda partlamağa başladı. Son məlumatlara görə, 2800-ə yaxın insan yaralanıb, 30-dan çox insan həlak olub. Bir gün sonra, Livan “ICOM” portativ rasiyalarının oxşar partlayışlarına məruz qaldı, ən azı 9 nəfər həlak oldu, fövqəladə vəziyyət nəticəsində yaralananların sayı üç yüz nəfərə çatdı.

Minlərlə cihazın eyni vaxtda partlamasına nəyin səbəb olduğu hələlik məlum deyil, lakin Xarici İşlər Nazirliyi artıq Livanda baş verənləri “dəhşətli terror aktı” və “böyük münaqişəni qızışdırmaq cəhdi” adlandırıb.

Almaz Həsənli