Azərbaycanda Milli Musiqi Günü qeyd olunur

Bu gün, 18 sentyabr Azərbaycanda Milli Musiqi Günüdür.

Bu bayram görkəmli bəstəkar, musiqişünas, pedaqoq, publisist, dramaturq, Azərbaycan peşəkar musiqi sənətinin banisi Üzeyir Hacıbəylinin (1885-1948) doğum günü kimi tarixə düşüb.

Məhz onun “Leyli və Məcnun” operası Azərbaycanda və bütün müsəlman dünyasında ilk klassik musiqi əsəri oldu. İlk dəfə 1908-ci ildə səhnədə ifa edilmişdir.

YUNESKO Baş Konfransının 34-cü sessiyasında təşkilatın görkəmli şəxsiyyətlərin və əlamətdar hadisələrin yubileylərinin qeyd edilməsi proqramı çərçivəsində 2008-2009-cu illərdə Üzeyir Hacıbəylinin “Leyli və Məcnun” operasının 100 illik yubileyinin rəsmi şəkildə qeyd edilməsi qərara alınıb.

Üzeyir Hacıbəyli Azərbaycan himninin musiqisinin müəllifidir və onun canlı yumor və milli ləzzətlə dolu “Arşın mal alan” və “O olmasın, bu olsun” adlı parlaq musiqili komediyaları bu baxımdan öz aktuallığını bu gün də itirmir. Tək azərbaycanlı deyil, xarici rejissorlar da dönə-dönə onlara müraciət edirlər.

Qeyd edək ki, 1995-ci ildə Azərbaycan Prezidenti Heydər Əliyev Sərəncam imzalayıb və ona əsasən Milli Musiqi Gününün dövlət səviyyəsində qeyd olunmasına başlanılıb.

Almaz Həsənli