Usik Polşada saxlanma ilə bağlı insidentdən danışıb
Birinci ağır və ağır çəkidə mütləq dünya çempionu Aleksandr Usik Krakov hava limanında (Polşa) saxlanmasının anlaşılmazlıq olduğunu bildirib. Ukraynalı boksçu insidentin həll olunduğunu və azad olduğunu vurğulayıb.
Bu barədə Usikin İnstaqramında məlumat yayılıb.
Sentyabrın 18-nə keçən gecə 37 yaşlı titullu idmançı Polşada saxlanmasını şərh etdi və bu, Ukrayna hakimiyyətinin operativ reaksiyasına səbəb oldu və internetdə rezonans doğurdu.
Usikin sözlərinə görə, “anlaşılmazlıq tez aradan qaldırılıb”.
O, bu hadisə ilə bağlı göstərdikləri dəstəyə görə ictimaiyyətə və diplomatlara minnətdarlığını bildirib.
"Boyuna, çəkisinə, qollarının açıqlığına və reqaliyasına baxmayaraq işini yerinə yetirən Polşa hüquq-mühafizə orqanlarının əməkdaşlarına hörmətlə yanaşırıq" deyə idmançı onlayn hekayələrində yazıb.
Oxuməni.az
.jpg)
