İsveç və Finlandiya arasında fiber-optik kabellərin zədələnməsi təxribat deyil

İsveç və Finlandiya arasında fiber-optik kabellərin zədələnməsi təxribat deyil, tikinti işlərinin nəticəsidir. Bu barədə Finlandiyanın nəqliyyat və rabitə qurumu Traficom məlumat yayıb.

İsveç Telekommunikasiya Təşkilatının mətbuat xidməti GlobalConnect telekommunikasiya şirkətinin şəbəkəsində iki kabel qırılması qeydə aldığını bildirib. İsveçin mülki müdafiə naziri Karl-Oskar Bohlin səbəbin təxribat ola biləcəyini istisna etməyib.

Lakin Helsingin Sanomat (HS), Elisa telekommunikasiya şirkətinə istinadən daha sonra yazıb ki, qazıntı işləri zamanı kabellərdən ən azı birini təsadüfən ekskavator zədələmiş ola bilər.

“Tikinti zamanı hər iki kabelin kəsildiyi görünürdü, ona görə də bu, adi hal idi. Təmir işləri yekunlaşıb”, - deyə nəqliyyat və rabitə şöbəsindən HS-ə məlumatı təsdiqləyiblər. Onlar dəqiqləşdiriblər ki, ziyan dəymiş yerlər Finlandiyanın Leppävaara və Vihti bölgələrində yerləşir.

Dekabrın 3-də İsveç və Finlandiya arasında internet kabelləri dənizdə deyil, quru ərazidə zədələnib.

Oxuməni.az