Neftin qiyməti bir barel üçün 69 dollardan aşağı düşüb
OPEC+ qərarları və ABŞ lideri Donald Trampın yeni tarifləri fonunda neft qiymətləri enməkdə davam edir. “Brent” markalı neftin bir barelinin qiyməti bir ayda ilk dəfə olaraq 69 dollardan aşağı düşüb. Bunu “investing.com” portalında dərc edilən ticarət məlumatları sübut edir.
Bildirilir ki, iyun fyuçerslərinin qiyməti təqribən 2% ucuzlaşaraq 68,86 dollar/barelə, may fyuçerslərinin qiyməti isə təxminən 2 faiz ucuzlaşaraq 65,66 dollar/barelə çatıb.
Qeyd edək ki, dünən analitiklər “Brent” neftinin qiymətində 2022-ci ildən bəri ən böyük enişi qeydə alıblar.
Xatırladaq ki, daha əvvəl ABŞ prezidenti Donald Tramp 185 ölkədən idxala təsir edəcək irimiqyaslı rüsumların tətbiq ediləcəyini açıqlamışdı.
O da məlum olub ki, OPEC+ ölkələri may ayından neft hasilatını gündəlik 400 min barel artırmaq qərarına gəlib.
Almaz Həsənli
