Rusiyada Instagram və Facebook-da reklam qadağan edilib

Sentyabrın 1-dən Rusiyada ekstremist kimi tanınan saytlarda reklamın yayılması qadağan edilib.
Oxuməni.az-ın RBK-ya istinadən verdiyi xəbərə görə, bu barədə qüvvəyə minmiş “Ekstremist fəaliyyətlə mübarizə haqqında” Federal Qanunun 12-ci maddəsinə və “Reklam haqqında” Federal Qanuna dəyişikliklər edilməsi barədə qanunda deyilir. Ekstremist resurslarda reklamın qadağan edilməsi haqqında qanun ilk növbədə Instagram və Facebook-a təsir edəcək.
Prokurorluqdan bildirilib ki, bu cür resurslarda reklam reklam haqqında qanunvericiliyin pozulması kimi yozulacaq (İnzibati Xətalar Məcəlləsinin 14.3-cü maddəsi). Vətəndaşlar üçün 2,5 min rubla qədər, vəzifəli şəxslər üçün 20 min rubla qədər və hüquqi şəxslər üçün 500 min rubla qədər cərimələr nəzərdə tutur.
Cavabdehlik təkcə yeni reklam yerləşdirmələri üçün deyil, həm də əvvəllər yerləşdirilmiş reklamların silinməməsi üçün də yaranacaq, deyə FAS-ın izahatlarında bildirilir. Köhnə reklamlar, əgər onları yeniləməyə cəhd edilmirsə – yenidən paylaşılmır, köhnə, reklam xarakterli yeni postlara istinad edilmir, müvafiq hashtaglar qoyulmur, "əlavə olunmuş" yerlərdə və ya sosial şəbəkələrin tövsiyə mexanizmlərindən istifadə edilmirsə, qanuna tabe olmayacaq.
Almaz Həsənli