Ekspert Çansuqri: Rusiya, ABŞ və Çin arasında görüş çoxqütblülüyə keçidi göstərdi
Çinin Şençjen şəhərində keçirilən APEC sammiti çərçivəsində Rusiya Prezidenti Vladimir Putin, ABŞ Prezidenti Donald Tramp və Çin Prezidenti Si Cinpin arasında keçirilən üçtərəfli görüş təkqütblü dünyadan çoxlu güc mərkəzləri olan bir sistemə keçidi göstərir.
Oxuməni.az xəbər verir ki, Taylandlı politoloq Fonqfan Çansuqri bu fikri TASS müxbirinə verdiyi müsahibədə bildirib.
"Bu, ABŞ, Çin və Rusiya liderləri arasında ilk üçtərəfli görüşdür. Üç ölkənin birgə danışıqlar platforması açması dünyanın heç bir ölkənin beynəlxalq siyasətin istiqamətini təkbaşına müəyyən edə bilməyəcəyi bir sistemə doğru irəlilədiyini göstərir. Bu görüşün əhəmiyyəti üç liderin dərhal razılığa gələ bilib-bilməməsində deyil, üç böyük dövlətin qlobal təhlükəsizlik və iqtisadi məsələlərin öz aralarında danışıqlar olmadan həll edilə bilməyəcəyini qəbul etməsindədir", - deyə o bildirib.
Taylandlı ekspert hesab edir ki, Çin böyük dövlətlər arasında maraqların əlaqələndiricisi kimi rolunu gücləndirməklə bu sammitdən ən böyük uzunmüddətli strateji fayda əldə etmək mövqeyindədir. "Çin qlobal siyasətin istiqamətini getdikcə müəyyən edən bir oyunçuya çevrilə bilər. Axı Çin təkcə ev sahibi kimi çıxış etməyib, həm də Rusiya ilə sıx əlaqələri olan bir ölkədir və eyni zamanda ABŞ ilə iqtisadi və ticarət əlaqələrini qorumağa çalışır", - deyə politoloq izah edib.
Əziz MUSTAFA




.jpg)










.jpg)
.jpg-1.jpg)
.jpg-1.jpg)
.jpg-1.jpg)


















































.jpg)













