Ukraynanı tənqid etdikdən sonra Kolbi Ramşteyni erkən tərk etdi

Ukraynanı tənqid etdikdən sonra Kolbi Ramşteyni erkən tərk etdi

11:10
Bəyəndim (0) Bəyənmədim (0)


Pentaqon baş strateqi Elbric Kolbi Ukraynanın Rusiyaya dərin zərbələr endirdiyini tənqid edən çıxışından sonra Brüsseldə Ukraynanın müdafiəsi üzrə Təmas Qrupunun iclasını erkən tərk etdi.

Oxuməni.az bu barədə The Telegraph mənbələrə istinadən məlumat yayıb.

Qeyd olunur ki, Pentaqon nümayəndəsinin davranışı Avropa müttəfiqləri, xüsusən də Almaniya rəsmiləri arasında narahatlıq yaratdı və onlar bunu Donald Tramp administrasiyasının faktiki olaraq Rusiya tərəfini tutduğuna dair dəlil kimi qəbul etdilər.

Nəşrin məlumatına görə, NATO qərargahında keçirilən görüşün açıq hissəsində Kolbi bildirib ki, ABŞ Ukraynanın uzaqmənzilli zərbələrinə qarşıdır, çünki onlar strateji hərbi dəyəri yoxdur, müharibənin bitməsinə töhfə vermir və Rusiyanın cəbhə xəttindəki hücumunun qarşısını almağa kömək etmir.

Alman mənbəsi nəşrə bildirib ki, "Kolbi açıqlamasından dərhal sonra Ukraynanın müdafiə naziri Yevgen Xmaranın Rusiyaya dərin zərbələrin təsirinin hərbi səylərin vacib tərkib hissəsi olduğunu açıq şəkildə vurğulayan məxfi təqdimatını belə dinləmədən ayrılıb".

İkinci mənbə Kolbinin mətbuatla birlikdə otağı tərk etdiyini təsdiqləyib. Daha sonra ABŞ-ı iclasda ABŞ-ın NATO-dakı səfiri Metyu Uitaker təmsil edib.

Amerika rəsmisinin bu şərhləri Ukraynanın Rusiya hərbi zavodlarına və neft obyektlərinə zərbələrini Putin rejimi üçün təsirli və qeyri-sabitləşdirici hesab edən Almaniya, Böyük Britaniya və digər Avropa ölkələrinin nümayəndələrini "çaşdırıb".

Danışıqlardan sonra Britaniya müdafiə naziri Ues Stritinq Kiyevin strategiyasını müdafiə edərək, zərbələrin "Putinin hərbi maşınını zəiflətməyə, vaxt qazanmağa və insanların həyatını xilas etməyə kömək etdiyini" qeyd etdi. Bu arada, Almaniyanın müdafiə naziri Boris Pistorius Kolbinin şərhlərini kəskin tənqid edərək onları "axmaq" adlandırdı.

Bu arada, Trampın xüsusi nümayəndələri Stiv Vitkov və Cared Kuşner cümə axşamı Berlində "İstəklilər Koalisiyası"nda təxminən 40 ölkənin liderləri ilə danışıqlarda iştirak edəcəklər.

Əziz Mustafa