Çində 100 metrlik dəniz tikinti gəmisi Echo suya buraxıldı
Nəhəng dəniz tikinti gəmisi Echo Çinin Uhan şəhərində uğurla suya salındı. Yan sürüşmə yolundan idarə olunan suya buraxılış təxminən dörd saat davam etdi. Bu barədə Interesting Engineering məlumat verib.
Nəhəng gəmi İsveçrə mühəndislik şirkəti Allseas üçün SALT 308 dizaynına əsasən inşa edilib. 23 metr enində olan gəminin yük göyərtəsinin sahəsi 1100 kvadratmetrdir və 110 nəfərə qədər heyət üçün nəzərdə tutulub. O, sualtı tikinti işlərini, yoxlamaları, təmirləri və dəniz qurğularının sökülməsini həyata keçirəcək. Pulse adlı ikinci oxşar gəmi artıq eyni gəmi zavodunda tikilir. Echo-nun 2026-cı ilin dördüncü rübündə sifarişçiyə, Pulse-nin isə 2027-ci ilin birinci rübündə təhvil verilməsi gözlənilir.
Echo-nun əsas xüsusiyyəti açıq sularda dəqiq iş üçün avadanlıqlarıdır. Gəmidə dalğa şəraitindən asılı olmayaraq qaldırılmış yükü sabit və dik saxlayan aktiv qaldırma kompensasiya sistemi olan 150 tonluq kran quraşdırılıb. Dərin dəniz tədqiqatları və təmirləri üçün xüsusi anqarda iki işçi sinifli məsafədən idarə olunan sualtı nəqliyyat vasitəsi (ROV) yerləşir.
Əziz MUSTAFA.

































.jpg)




.jpg-1.jpg)
.jpg-1.jpg)
.jpg-1.jpg)
.jpg)
















































