Arvadı ilə barışmağa gələn ərin ayaqlarını kəsiblər

Hindistanda əri arvadı ilə barışmağa gələndə qadının qardaşları onun ayaqlarını kəsiblər, The Times of India xəbər verir.

Polisin məlumatına görə, Dineş Solanki 35 illik həyat yoldaşı Ratan ilə mübahisədən sonra mümkün barışıq barədə müzakirə etmək üçün qardaşı qızı Manişanın evinə gedib. Söhbət əsnasında onun iki qayını Kanji və Haku Savaliya gəliblər. Kişilər arasında mübahisə baş verib, bundan sonra Haku qalan qardaşlarını - Nanu, Bagha və Jadhavı və digər üç naməlum kişini çağırıb.

Onlar gələndə vəziyyət tez bir zamanda qanlı hücuma çevrilib. Manişanın şikayətinə görə, Bagha Solankinin başına metal boru ilə vurub və onu yıxıb. Daha sonra Jadhav və bir neçə kişi qurbanın hər iki ayağını balta ilə kəsib, digər iki kişi isə çöldə keşik çəkib. Müdaxilə etməyə çalışan Manişa zorla evdən çıxarılıb.

Qurban təcili olaraq Amreli Mülki Xəstəxanasına aparılıb və daha sonra Rajkota köçürülüb, lakin həkimlər onu xilas edə bilməyiblər.

Polis hazırda həyat yoldaşının beş qardaşı da daxil olmaqla yeddi şübhəlinin hamısını axtarır.

Daha əvvəl Hindistanda dörd gənc kişi bir qızı qaçırıb, evdə saxlayıb və təcavüz edib.

Əziz Mustafa