Alimlər Yer kürəsinin əhalisinin 12,4 milyarda çatacağı tarixi proqnozlaşdırıblar

Planetimizin hazırkı əhalisi 8,3 milyarddır. Mövcud tendensiyalara əsaslanaraq, tədqiqatçılar Yer kürəsindəki insanların sayının 2070-ci illərin sonlarına qədər 12,4 milyarda çata biləcəyini iddia edirlər.

"Hesablamalarımız göstərir ki, əgər hər kəs ekoloji məhdudiyyətlər daxilində və rahat, iqtisadi cəhətdən təhlükəsiz həyat standartlarında yaşayarsa, davamlı qlobal əhali 2,5 milyarda yaxınlaşar", - deyə tədqiqatın müəllifi professor Kori Bredşou qeyd edib.

Tədqiqatçılar bəşəriyyətin hazırkı yolunun cəmiyyətləri daha dərin böhranlara sövq edəcəyini iddia edirlər. Onlar qeyd edirlər ki, əgər qlobal əhali 11,7-12,4 milyarda çatarsa, bu, planetimizə dağıdıcı təsir göstərə bilər.

Tədqiqat əhali artımı ilə artan qlobal temperatur, daha böyük ekoloji iz və daha yüksək karbon emissiyaları arasında "güclü" əlaqə aşkar edib.

"Daha az istehlaka malik daha kiçik əhali həm insanlar, həm də planet üçün daha yaxşı nəticələr yaradır", - Bredşou vurğulayıb.

Xatırladaq ki, BVF-nin proqnozuna görə, tammiqyaslı müharibə başa çatarsa, Ukrayna əhalisi təxminən 34 milyon nəfər səviyyəsində sabitləşəcək.

Əziz MUSTAFA