ABŞ Almaniyadan Ukraynaya "Patriot" raketlərinin köçürülməsini təsdiqləməyə hazırdır
ABŞ Ukraynaya "Patriot" hava hücumundan müdafiə sistemi üçün əlavə bir dəst tutucu raket köçürməyə hazırlaşır. Bunlar Almaniyanın əvvəllər aldığı 29,6 milyon dollar dəyərində 10 ədəd MIM-104E GEM-T raketləridir.
Oxuməni.az xəbər verir ki, bu barədə ABŞ Dövlət Departamentinin qərarında deyilir.
"Bu köçürmə ABŞ-ın təhlükəsizlik yardımı məqsədlərinə uyğundur. Amerika Birləşmiş Ştatları hökuməti siyasi, hərbi və iqtisadi mülahizələri, eləcə də insan hüquqları və silah nəzarəti məsələlərini nəzərə alaraq bu köçürməyə icazə verməyə hazırdır", - sənəddə deyilir.
Əldə edilən razılaşmalara əsasən, üçüncü ölkələr tərəfindən Amerika silahlarının ötürülməsi üçün Vaşinqtonun razılığı tələb olunur. ABŞ administrasiyası artıq Berlinə Kiyevə raket tutucuları göndərmək üçün lazımi icazəni verməyə hazır olduğunu bildirib.
ABŞ Dövlət Departamenti qeyd edib ki, "Ukrayna hava hücumundan müdafiə imkanlarını gücləndirmək üçün bu sistemləri əldə etməyə çalışır; artıq eyni tipli sursatlara malikdir".
Polşa yeni hərbi yardım paketinin bir hissəsi olaraq Ukraynaya "Patriot" hava hücumundan müdafiə raketləri verməyi planlaşdırır. Onun ümumi dəyəri 50 milyon avro olacaq.
Qeyd etmək lazımdır ki, Almaniya Müdafiə Nazirliyinin bir neçə ildir fəaliyyət göstərən "Sonderstab Ukrayna" adlı kiçik bir komandası var. O, Kiyevə illik 11,5 milyard avroluq hərbi yardımın ayrılmasından məsuldur və iki həftə ərzində silah təchizatı müqavilələri bağlaya bilər.
Əziz Mustafa
