ABŞ Konqresi "F-35" in ehtiyat hissələrinin Çinə yönləndirilməsi ilə bağlı araşdırmaya başlayıb.

ABŞ Konqresi potensial olaraq vacib olan "F-35" qırıcı təyyarə hissələrinin Avstraliyadan Honkonqa yönləndirilməsi ilə bağlı araşdırma aparır. Oxuməni.az xəbər verir ki, bu barədə Nümayəndələr Palatasının Silahlı Qüvvələr Komitəsinin sözçüsü Heter Voqan bildirib. O, Komitənin məsələdən xəbərdar olduğunu bildirib və məsul vəzifəli şəxslərdən ibarət bir qrupun hadisəni araşdırmaqda və nəzarəti həyata keçirməkdə davam etdiyini qeyd edib.

"Nöqsanlı "F-35" komponentlərinin tədarükü ilə bağlı məsələdən xəbərdarıq və bu komponentləri bərpa etmək, hadisəni araşdırmaq və gələcəkdə oxşar hadisələrin qarşısını almaq üçün tədbirlər görmək üçün ABŞ hakimiyyəti və sənaye tərəfdaşları ilə fəal şəkildə işləyirik", Pentaqonun "F-35" Proqram Ofisi də açıqlamasında bildirib.

Daha əvvəl ABŞ administrasiyası Səudiyyə Ərəbistanına 24,3 milyard dollara "F-35" qırıcı təyyarələrinin satışını təsdiqləmişdi. ABŞ Dövlət Departamenti 40-a qədər döyüş təyyarəsi, 49 Pratt & Whitney mühərriki, eləcə də ehtiyat hissələri və əlavə avadanlıqları əhatə edə biləcək paketi yaşıllaşdırmışdı.

Əziz MUSTAFA