2025-ci ilin büdcəsində müəyyən edilmiş manatın məzənnəsi məlum olub

Azərbaycanın maliyyə naziri Samir Şərifov bildirib ki, 2025-ci ilin büdcəsi hazırlanarkən iqtisadi artım proqnozları və digər göstəricilər İqtisadiyyat Nazirliyinin təqdim etdiyi məlumatlara əsaslanıb.
Ümumi daxili məhsulun (ÜDM) artım tempinin 3,5%, neft-qaz sektorundan kənar ÜDM artımının 4,9% olacağı gözlənilir, orta illik inflyasiyanın isə 4,6% səviyyəsində proqnozlaşdırılır. Neftin bir barelinin qiyməti 70 dollar, min kubmetr qazın qiyməti isə 242 dollar müəyyən edilib. Manatın məzənnəsi 1 dollar üçün 1,7 manat müəyyən edilib.
Onun sözlərinə görə, büdcənin əsas vəzifələrinə ölkənin müdafiə qabiliyyətinin gücləndirilməsi, Qarabağın və Şərqi Zəngəzurun bərpası, onların iqtisadiyyata inteqrasiyası, o cümlədən Naxçıvan Muxtar Respublikasının 2023-2027-ci illər üçün inkişaf proqramının icrası daxildir.
2025-ci il dövlət büdcəsi xərclərinin ümumi həcmi 41,37 milyard manat təşkil edəcək ki, bu da 2024-cü illə müqayisədə 1,63 milyard manat (4,1 faiz) çoxdur. Bunun 24,85 milyard manatını (60,1 faiz) cari xərclər, 14,12 milyard manatını (34,1 faiz) əsaslı xərclər və dövlət borcuna xidmət göstərəcək 2,4 milyard manat (5,8 faiz) təşkil edəcək.
Almaz Həsənli