Tramp Coca-Cola sifariş düyməsini Oval kabinetə qaytarıb

ABŞ prezidenti Donald Tramp “Diyet kola” sifariş düyməsini Ağ Evin Oval kabinetə qaytarıb. Bu barədə bazar ertəsi “Wall Street Journal” (WSJ) məlumat yayıb.
Trampın iş masası prezident kimi ilk dövründə belə bir cihazla təchiz edilmişdi. Lakin 2021-ci ildən 2025-ci ilə qədər dövlət başçısı vəzifəsində çalışmış Co Bayden düymənin çıxarılmasını əmr edib, hansı kı,düyməni basdıqdan sonra otağa bir stəkan qazlı içki gətirilirdi.
Qəzetin yazdığına görə, Trampın qayıdışı ilə Oval kabinetdə kamin üzərində yeni gümüş qartal heykəlcikləri peyda olub və onun yanındakı stolun üzərinə yenidən Böyük Britaniyanın baş naziri Uinston Çörçilin büstü qoyulub. Heykəl Trampın ilk prezidentlik dövründə orada olub, lakin Bayden onu ofisindən çıxarmaq qərarına gəlib. Dörd il əvvəl olduğu kimi, kamin üstündə ABŞ-ın ilk prezidenti Corc Vaşinqtonun portreti asılıb, yan tərəflərdə isə ölkənin birinci maliyyə naziri Aleksandr Hemilton və üçüncü Amerika lideri Tomas Cefersonun portretləri var, “The Wall” yazır.
Almaz Həsənli