Turistlər yarım ildə Gürcüstana təxminən 2 milyard dollar gəlir gətirib
Xarici turistlər yarım il ərzində Gürcüstana 1,9 milyard dollardan çox gəlir təmin edib. Oxuməni. az xəbər verir ki, bu barədə ölkənin Milli Bankının məlumatlarında qeyd olunub.
2026-cı ilin yanvar-iyun aylarında Gürcüstanın turizmdən əldə etdiyi gəlirlər ötən ilin eyni dövrü ilə müqayisədə 2% az olub.
Gürcüstanda ən çox xərci Aİ ölkələrindən gələn turistlər edib – 335,6 milyon dollar, ardınca Rusiya (307,1 milyon dollar) və Türkiyə (255,1 milyon dollar) gəlir.
Bununla yanaşı, rusiyalılar bu il Gürcüstandakı xərclərini 25%, avropalılar isə 21% artırıblar. Ötən il Gürcüstanda ən çox xərci Rusiya vətəndaşları edib – 697 milyon dollardan çox. Ümumilikdə, 2025-ci ildə əcnəbilər Gürcüstana təxminən 4,7 milyard dollar gəlir gətirib.
Yarım il ərzində Gürcüstana xarici turist axını 2,7 milyon səfər təşkil edib ki, bu da ötən ilin göstəriciləri ilə müqayisədə 2,7% azdır. Rusiyadan gələn turist axını isə 5% artaraq altı ay ərzində təxminən 611 min səfərə çatıb.
Almaz Həsənli
.jpg)
