Aleksey Navalnının ad günündə müxtəlif şəhərlərində dəstək aksiyaları keçirilib

Rusiyanın müxalif siyasətçisi Aleksey Navalnının ad günündə müxtəlif şəhərlərində dəstək aksiyaları keçirilib.

Dünyanın hər yerində yüzlərlə nümayişçi həbsdə olan Kreml tənqidçisi Aleksey Navalnının 47-ci doğum günü münasibətilə ona dəstək ifadə ediblər. Berlindəki etirazçıların əsas mesajı onun azad edilməsinə çağırış olub.

Aleksey Navalnının mətbuat katibi: “Biz bu mitinqləri bütün dünyada onun işinə mümkün qədər çox diqqəti cəlb etmək üçün keçiririk. İnsanların onun işini izləməyə davam etməsi çox vacibdir, çünki onun təhlükəsizliyini təmin edən əsas məsələ elə budur”.

Navalnının vətənində bu cür etiraz aksiyaları qadağandır. Hüquq müdafiəçilərinin məlumatına görə, bazar günü polis Moskva və Sankt-Peterburq da daxil olmaqla Rusiyanın şəhərlərində siyasətçi ilə həmrəylik mitinqlərində yüzdən çox insanı saxlayıb.

Navalnı dələduzluq və məhkəməyə hörmətsizlik ittihamı ilə 9 illik cəzasının iki ilini çəkib. Onun sözlərinə görə, bu ittihamlar onu məmur korrupsiyasını ifşa edən fəaliyyətinə və Kremlə qarşı etiraz aksiyalarının təşkilinə görə cəzalandırmaq üçün uydurulub.

Oxuməni.az