Türkiyədə pilotsuz uçuş aparatlarının sayı açıqlanıb

Türkiyə Mülki Aviasiya Baş İdarəsi tərəfindən 22 fevral 2016-cı il tarixində həyata keçirilən tənzimləmə ilə çəkisi 500 qram ilə 25 kiloqram arasında olan pilotsuz uçuş aparatları üçün İHA Qeydiyyat Sistemi yaradılmış və bu dronları idarə etmək üçün İHA pilotlarının təhsili məcburi hala gətirilmişdir. Türkiyədə nə qədər qeydiyyatdan keçmiş dron var?

Mülki Aviasiya Baş İdarəsinin 2023-cü ilin iyun ayının sonuna olan məlumatına görə, Türkiyədə 68 426 pilotsuz uçan aparatı qeydiyyatdan keçib. Qeydiyyata alınmış PUA pilotlarının sayı 1 milyon 440 min 867 nəfər olaraq müəyyən edilib. Milli Təhsil Nazirliyi tərəfindən təsdiq edilmiş İHA təhsil müəssisələrinin sayı isə 80-ə yüksəlib.

İHA0 həvəskar idman lisenziyalarının sayı 481 min 524-ə, İHA1 həvəskar idman lisenziyalarının sayı 912 min 882-yə, İHA Qeydiyyat Sistemində qeydiyyatdan keçənlərin sayı 1 milyon 765 min 977-yə, İHA0 kommersiya lisenziyalarının sayı artaraq 9 min 905-ə, İHA1 kommersiya lisenziyalarının sayı da 9 min 905-ə yüksəlib. Uçuş çəkisi 500 qramdan az olan pilotsuz uçuş aparatları üçün qeydiyyat tələbi olmadığı halda, 500 qram və daha çox çəkiyə malik dronları uçurmaq istəyən pilotsuz təyyarələr və pilotlar «DGCA» sistemində qeydiyyatdan keçməli və uçuşdan əvvəl icazə almalıdırlar. İcazəsiz və qeydiyyatsız pilotsuz uçuş aparanlara qarşı inzibati cərimələr tətbiq edilir.

Murad Şahməmməd