Misir prezidenti 2030-cu ilə qədər vəzifəsində qalmaq üçün yenidən namizədliyini irəli sürüb

3 Oktyabr 2023 11:55

Bəyəndim (0) Bəyənmədim (0)

İnsan haqları təşkilatları və Qərb hökumətləri tərəfindən tez-tez tənqid edilən Sisinin hakimiyyəti dövründə minlərlə müxalif ya susduruldu, ya da həbs edildi. Misir prezidenti Əbdülfəttah əs-Sisi dekabrda keçiriləcək prezident seçkilərində üçüncü müddətə yenidən namizəd olacağını açıqlayıb. Çevrilişdən sonra 2014-cü ildən prezident olan Sisinin dörd il əvvəl 2030-cu ilə qədər vəzifədə qalmasına imkan verən konstitusiya dəyişikliyindən sonra yenidən namizəd olacağı və üçüncü müddətə seçiləcəyi gözlənilirdi.

Xatırladaq ki, bu il dekabrın 10-12-də Misirdə üç günlük prezident seçkiləri keçiriləcək. Namizədlərdən hər hansı biri 50 faizdən çox səs toplamasa, yanvarın 8-10-da ikinci tur keçiriləcək.

Sisi 2013-cü ildə “Müsəlman Qardaşlar” təşkilatının demokratik yolla seçilmiş lideri Məhəmməd Mursinin devrilməsinə rəhbərlik etdikdən sonra hakimiyyətə gəlib.

Murad Şahməmməd