Avstraliya, Kanada baş nazirləri və Cənubi Koreya prezidenti Trampla təhlükəsizlik məsələlərini müzakirə ediblər

Avstraliyanın baş naziri Entoni Albanese bildirib ki, o, Donald Trampla telefon danışığı aparıb, onunla təhlükəsizliyin gücləndirilməsi məsələlərini müzakirə edib.

Albanese sosial mediada yazıb: “Bu səhər prezident Trampla danışmaqdan, onu seçkilərdə qazandığı qələbə münasibətilə şəxsən təbrik etməkdən məmnun oldum”.

O deyib: “Biz Alyansın əhəmiyyətindən və təhlükəsizlik, AUKUS, turizm, ticarət və investisiya sahələrində Avstraliya-ABŞ əlaqələrinin gücündən danışdıq”.

Associated Press xəbər verir ki, Kanadanın baş naziri Castin Trüdo telefon danışığında Trampı təbrik edib.

"İki lider Kanada və ABŞ arasında davamlı və uğurlu tərəfdaşlığı müzakirə etdilər", - Trüdonun ofisindən verilən açıqlamada deyilir.

O qeyd edir ki, onlar "ticarət, təchizat zəncirləri, qlobal ticarət təcrübələri və Şimali Amerika təhlükəsizliyini" müzakirə ediblər.

Bu arada Yonhap xəbər agentliyi Cənubi Koreya prezidentinin ofisinə istinadən xəbər verir ki, Yoon Seok-Yeol Trampı təbrik edib.

Cənubi Koreya prezidenti ABŞ-Cənubi Koreya alyansının “təhlükəsizlik və iqtisadiyyatın bütün sahələrini əhatə edən sıx tərəfdaşlıq kimi” inkişafına ümid etdiyini bildirib.

Oxuməni.az