Air Canada təyyarəsi Halifaks hava limanına eniş edərkən yanıb

Şənbə günü axşam, dekabrın 28-də Halifaks (Kanada) Beynəlxalq Hava Limanında fövqəladə hadisə baş verib. Sent-Johns (Nyufaundlend və Labrador əyaləti) şəhərindən gələn “Air Canada” 2259 saylı reysi sərt eniş edib, bir hissəsi alovlananıb.
Sərnişinlərin sözlərinə görə, təyyarə eniş zamanı sola əyilməyə başlayıb və güclü zərbəyə səbəb olub və qanadlarından biri uçuş-enmə zolağı boyunca sürüşərək qığılcımlara səbəb olub. Hadisə şahidləri təyyarənin sol tərəfində yanğın və tüstü gördüklərini bildiriblər.
Təyyarənin göyərtəsində olan bir sərnişin qadın uğursuz enişdən sonra təyyarənin uçuş-enmə zolağında nəzarətsiz şəkildə necə hərəkət etməyə başladığını təsvir edib. "Təyyarə çox titrəyirdi və bir anda biz anladıq ki, ehtimal ki, eniş şassisi zərbəyə tab gətirə bilməyib. Sonra yanğını gördük,"- bildirib.
Sərnişinlər təcili çıxışlar vasitəsilə dərhal təxliyə edilib. Təyyarədə olan hər kəs, o cümlədən ekipaj ciddi xəsarət almadan təyyarədən xilas olub, baxmayaraq ki, insident sərnişinlər arasında panika yaradıb.
Halifaks hava limanı təcili əməliyyatlar və uçuş-enmə zolağının təmizlənməsi üçün bağlanıb.
Hadisənin səbəbləri hələ də araşdırılır. Hələlik məlumdur ki, təyyarənin eniş şassilərindən biri yetərincə açılmamış ola bilər.

Almaz Həsənli