Aİ Şurası Ukraynaya 3,5 milyard avro tranş ödənişini təsdiqləyib

Avropa İttifaqı Şurası Kiyevə makromaliyyə yardımı proqramı çərçivəsində Ukraynaya 3,5 milyard avro məbləğində tranşın ödənilməsini təsdiqləyib. Bu barədə Brüsseldə keçirilən Şuranın bəyanatında deyilir.
"Şura Ukraynaya təqribən 3,5 milyard avro məbləğində üçüncü ödənişi təsdiqləyib. Bu üçüncü ödənişlə Ukrayna bir il əvvəl yaradılandan bəri Ukrayna fondu çərçivəsində təxminən 20 milyard avro alacaq", - məlumatda deyilir.

Sənədə əsasən, “Şura Ukraynanın üçüncü ödənişin alınması üçün lazımi şərtləri yerinə yetirdiyi qənaətinə gəlib”. “Bunlara, digər məsələlərlə yanaşı, bərpa olunan enerjidən istifadənin artırılması üçün islahatların həyata keçirilməsi; enerji tənzimləyicisinin muxtariyyətinin artırılması; Aİ standartlarına uyğun olaraq sərhədi keçmə prosedurlarının sadələşdirilməsi; kənd təsərrüfatı və kənd yerlərinin inkişafı üçün strategiyanın qəbul edilməsi (kənd təsərrüfatı ərazilərindən minaların çıxarılması daxil olmaqla) və Şuranın kritik materiallarının hazırlanması və izahatının hazırlanması üzərində işlərin davam etdirilməsi daxildir.”

Məlumata görə, 2024-cü il martın 1-də yaradılmış Ukraynaya Avropa Yardım Fondu 2024-cü ildən 2027-ci ilə qədər olan dövrdə ölkənin bərpası, yenidən qurulması və modernləşdirilməsini dəstəkləmək üçün qrantlar və kreditlər şəklində 50 milyard avroya qədər sabit maliyyə vəsaiti ayırır.

Əziz Mustafa, Oxuməni.az