Şoyqu Şimali Koreyaya səfərə gedıb

Rusiya Təhlükəsizlik Şurasının katibi Sergey Şoyqu Şimali Koreyanın paytaxtı Pxenyana gəlib. Bu barədə RİA Novosti məlumat yayıb.

Agentlik qeyd edib ki, Şoyqu Şimali Koreya lideri Kim Çen In və ölkənin digər liderləri ilə görüşməyi planlaşdırır.

Martın 16-da Şimali Koreyanın xarici işlər naziri Ço Son Xinin Rusiya xarici işlər nazirinin müavini Andrey Rudenkonun rəhbərlik etdiyi Rusiya nümayəndə heyəti ilə görüş keçirdiyi bildirilir. Görüşdə Xarici İşlər Nazirliyinin əməkdaşları ilə yanaşı, Rusiya Federasiyasının KXDR-dəki fövqəladə və səlahiyyətli səfiri də iştirak edib.

Fevral ayında Rusiya Prezidenti Vladimir Putin Kremldə Koreya Fəhlə Partiyası Mərkəzi Komitəsinin (WPK MK) katibi ilə görüş keçirib. Görüş dostluq, yoldaşlıq şəraitində keçdi. Agentliyin məlumatına görə, Rusiya lideri respublikanın Rusiyaya verdiyi dəstəyə görə KXDR-ə təşəkkür edib. Bundan əlavə, görüşdə Putin qeyd edib ki, iki ölkəni “möhkəm hərbi yoldaşlıq bağları və gözəl dostluq ənənələri” birləşdirir.

Əziz Mustafa, Oxuməni.az