Bolqarıstanın baş naziri Rusiya ultimatumları haqqında: Sovet hökmranlığının qaranlıq dövrünü xatırladır

Rusiyanın Ukraynaya verdiyi müharibəyə son qoymaq üçün ultimatumlar Sovet hakimiyyətinin qaranlıq dövrünü xatırladır.

Bunu Bolqarıstanın baş naziri Rosen Jelyazkov Ukrayna - Cənub-Şərqi Avropa sammitində çıxışı zamanı deyib.

Jelyazkov qeyd edib ki, müttəfiqlər ABŞ-dan Rusiyanın Ukraynaya qarşı müharibəsinin sona çatmasında rolunu gücləndirməyi xahiş edir və Türkiyə tərəfinə bu danışıqlarda vasitəçi kimi çıxış etmək cəhdlərinə görə təşəkkür edir.

"Ancaq biz Rusiya tərəfinin atəşkəs üçün real şərtlər təklif etmək iradəsini görmürük. Onlar şərtlər irəli sürürlər, lakin onlar bizə Sovet hakimiyyətinin qaranlıq dövrünü xatırladırlar", - Bolqarıstanın baş naziri vurğulayıb.

Xatırladaq ki, iyunun 2-də Ukrayna və Rusiya sülh danışıqlarının ikinci mərhələsini keçirib. Görüş zamanı tərəflər əsirlərin və həlak olan hərbçilərin cəsədlərinin növbəti dəfə dəyişdirilməsi barədə razılığa gəliblər.

Bundan əvvəl Rusiya əlavə şərtlər olmadan Ukrayna ilə azı 30 gün atəşkəsdən imtina edib. Bu ideya ABŞ tərəfindən irəli sürülüb.

İstanbulda keçirilən danışıqların ikinci raundu zamanı Rusiya Federasiyası öz “memorandumu”nu Ukraynaya təhvil verdi və bu, əslində ultimatum oldu.

Xüsusilə, işğalçı ölkə Ukraynadan atəşi dayandırmaq üçün Donetsk, Luqansk, Zaporojya və Xerson vilayətlərindən qoşunlarını çıxarmağa başlamasını tələb edir.

Əziz Mustafa, Oxuməni.az