NATO sularında Rusiya sualtı qayığı müşahidə edilib
Rusiya sualtı qayığı gözlənilmədən Fransa sahillərində dəniz səthində görünüb. Hadisəyə cavab olaraq Alyans özünü müdafiə etməyə hazır olduğunu bəyan edib. Bu barədə NATO Dəniz Komandanlığının X sosial media saytında məlumat yayılıb.
“Fransa Hərbi Dəniz Qüvvələrinin freqatı Alyansa dəniz yaxınlaşmalarını izləyir, Rusiya sualtı qayığının Brittani sahilləri yaxınlığında səthdə fəaliyyət göstərdiyini qeyd edir”, - məlumatda deyilir.
Komandanlıq həmçinin əlavə edib ki, “NATO özünü müdafiə etməyə hazırdır, daimi sayıqlıq saxlayır və bütün Atlantikada vəziyyəti izləyir”.
Xatırladaq ki, bir neçə həftə əvvəl, sentyabrın 17-də İsveç yaxınlığındakı Öresund boğazında Rusiyaya məxsus balıqçı gəmisi tapılmışdı. İsveç Sahil Mühafizəsi və Danimarka və Böyük Britaniyadan olan iki NATO gəmisi tezliklə onun qarşısını kəsdi.
2025-ci ilin yanvarında Böyük Britaniyanın La-Manş boğazında Rusiyanın kəşfiyyat gəmisini gördüyünü də xəbər vermişdik.
Əziz MUSTAFA
