ABŞ Respublikaçıları Kiyevi "Tomaqavk" raketləri ilə silahlandırmaq istəyir

07:53

Bəyəndim (2) Bəyənmədim (0)

"Public Opinion Strategies" tədqiqat şirkətinin apardığı sorğuya görə, Amerika Respublikaçılarının 60%-dən çoxu Ukraynaya "Tomaqavk" raketlərinin satışını dəstəkləyir.

Respublikaçılar Partiyasını dəstəkləyən 600 ABŞ vətəndaşı arasında aparılan sorğunun nəticələrinə görə, respondentlərin 21%-i Ukraynanın Rusiya ərazisinə zərbələr endirməsinə imkan verəcək mümkün raket satışına "qəti şəkildə dəstək verir", 42%-i isə belə bir satışı "qismən" dəstəkləyir.

Ümumilikdə, respublikaçıların 63%-i Kiyevə raket satışını tam dəstəkləyir, sorğuda iştirak edən respublikaçıların 30%-dən çoxu isə silah transferinə qarşı çıxır.

Əziz Mustafa