Tramp 1979-cu ildə İrana qarşı tətbiq edilən sanksiyaları bir il müddətinə uzadıb

ABŞ Prezidenti Donald Tramp İran İslam Respublikasına qarşı birtərəfli sanksiyaları nəzərdə tutan milli fövqəladə vəziyyəti bir il müddətinə uzadıb. Bu barədə ABŞ hökumətinin rəsmi sənədlər toplusu olan Federal Reyestrdə dərc olunmuş bəyanatda deyilir.

Amerika liderinin bəyanatında deyilir ki, "ABŞ İranla münasibətləri hələ normallaşmayıb" və "19 yanvar 1981-ci il tarixli ikitərəfli sazişlərin həyata keçirilməsi prosesi davam edir". Bu, ABŞ və İran arasında Əlcəzair Sazişlərinə aiddir. Bu sazişlər 1979-cu il inqilabından sonra Tehranda bir ildən çox girov saxlanılan amerikalı diplomatların azad edilməsinə səbəb olub. Bu sənədlər, xüsusən də bir-birinin daxili işlərinə qarışmamaq prinsipini nəzərdə tutur.

"Bu səbəbdən, 14 noyabr 1979-cu ildə elan edilmiş milli fövqəladə vəziyyət və həmin fövqəladə vəziyyətin aradan qaldırılması üçün tətbiq edilən tədbirlər 14 noyabr 2025-ci ildən sonra qüvvədə qalacaq", - deyə Tramp açıqlamasında bildirib. "Mən İranla bağlı milli fövqəladə vəziyyəti bir il müddətinə uzadıram", - deyə o əlavə edib.

Əziz Mustafa