Ariana Qrandeyə hücum edən avstraliyalıya Sinqapura giriş qadağan edilib

Sinqapur hakimiyyəti "Wicked: The Tale of the Witch of the West" filminin premyerası zamanı amerikalı müğənni və aktrisa Ariana Qrandeyə hücum edən şəxsi Avstraliyaya deportasiya edib. Bu barədə Sinqapur televiziya kanalı CNA İmmiqrasiya və Sərhəd Mühafizəsi İdarəsinə istinadən məlumat verib.

Hakimiyyət orqanı hücum edən şəxsin ölkəyə yenidən girişinin də qadağan edildiyini açıqlayıb.

Sözügedən şəxs avstraliyalı bloqçu Conson Vendir. Məhkəmə onu sənətçini tutduğuna görə doqquz gün həbs cəzasına məhkum edib. İttiham üzrə maksimum cəza üç aya qədər həbs cəzası ola bilərdi. Məhkəmədə Ven bu cür hərəkətləri təkrarlamaq niyyətində olmadığını bildirib.

Hadisə 13 noyabr 2025-ci ildə Sinqapurda "Wicked" duologiyasının ikinci filminin premyerasında baş verib. Qrande sarı xalçada Sintiya Erivo, Mişel Yeo və Ceff Qoldblumla birlikdə gəzərkən Ven ona tərəf qaçdı və qolunu onun çiyinlərinə dolamağa çalışdı. Müğənni uzaqlaşdı, bundan sonra həmkarı Erivo ona kömək etməyə gəldi.

2025-ci ilin fevral ayında Qrande 2017-ci ildə Mançesterdəki konsertində baş verən terror hücumundan və keçmiş partnyoru reper Mak Millerin itkisindən sonra üzləşdiyi psixoloji çətinliklərdən danışdı.

Əziz Mustafa