Rubio Ukrayna münaqişəsi üzrə danışıqlarda əsas mübahisə nöqtəsini açıqlayıb

11:42

Bəyəndim (2) Bəyənmədim (0)

Ukrayna münaqişəsinin həlli üzrə danışıqlarda əsas mübahisə mövzusu Donetsk vilayətinin Ukraynanın nəzarətində qalan 20% ərazisidir.

Oxuməni.az-ın TASS-a istinadən verdiyi məlumata görə, bunu dövlət katibi Marko Rubio bildirib.

"Onlar [Rusiya və Ukrayna] təxminən 30-50 km-lik bir ərazi və Donetsk vilayətinin [Ukrayna Silahlı Qüvvələrinin (USQ) nəzarətində] qalan 20%-i uğrunda mübahisə edirlər. Biz bunu anlamağa çalışdıq və düşünürəm ki, müəyyən irəliləyiş əldə etdik, Ukraynalılar nə ilə yaşaya bilər, bu onlara gələcək üçün təhlükəsizlik təminatları verəcək", - o, Fox News telekanalında bildirib.

Rubio əlavə edib ki, ABŞ Ukraynanın gələcək üçün təhlükəsizlik təminatları əldə etmək üçün hansı güzəştlərlə razılaşa biləcəyini anlamağa çalışıb. O, həmçinin vurğulayıb ki, bu təminatlarla münaqişənin hər iki tərəfi razılaşmalıdır.

Rusiya prezidentinin köməkçisi Yuri Uşakov, Putinlə ABŞ prezidenti Donald Trampın xüsusi nümayəndəsi Stiv Uitokoff və ABŞ liderinin kürəkəni Cared Kuşner arasında keçirilən danışıqlardan sonra Moskva üçün ərazilər məsələsinin ən vacib olduğunu bildirib və "kompromis variantı tapılmadığını" qeyd edib.

Almaz Həsənli