ChatGPT istifadəçilərin təhlükəli davranışlarını tanımaya bilər

ChatGPT-nin pulsuz versiyası həmişə psixi pozğunluqları olan insanların riskli hərəkətlərini və səhv inanclarını aşkar etmir. Oxuməni.az xəbər verir ki, bu barədə “The Guardian”-da dərc olunan London Kral Kolleci və Böyük Britaniya Klinik Psixoloqlar Assosiasiyasının apardığı tədqiqatın məlumatları göstərir.
Alimlər çat-botu müxtəlif vəziyyətlərdə olan virtual personajlar üzərində test ediblər - narahatlıq və obsesiv-kompulsiv pozğunluqlardan tutmuş, psixoz və intihar düşüncələrinə qədər. Sadə vəziyyətlərdə ChatGPT düzgün tövsiyələr verib, lakin çətin vəziyyətlərdə - bəzən təhlükəli inancları dəstəkləyib. Xüsusilə, bot öz "dahi" və ya "məğlubedilməz" olduğuna inanan istifadəçini ruhlandırıb və potensial təhlükəli hərəkətlərin qarşısını almayıb.
Tədqiqatın müəllifləri vurğulayırlar ki, ChatGPT peşəkar psixoterapiya yardımının əvəzi ola bilməz. London Kral Psixiatrlar Kollecinin nümayəndəsi Pol Bredli, ciddi ehtiyacları olan insanların ixtisaslı dəstək alması üçün ruhi sağlamlıq sahəsində kadrların artırılmasının vacibliyini bildirib.
Almaz Həsənli