Moskva buz və küləklə bağlı sarı hava xəbərdarlığı verib

Moskva və Moskva vilayətində 15 m/s-yə qədər sürətlə əsən buz və külək səbəbindən sarı hava xəbərdarlığı verilib. Hidrometeorologiya Mərkəzinin xəbərdarlığı 22 fevral Moskva vaxtı ilə saat 21:00-a qədər qüvvədədir.

Mərkəzi Federal Dairəsində daha 11 bölgə üçün sarı hava xəbərdarlığı verilib. Bunlara Kaluqa, Smolensk, Vladimir, Bryansk və Belqorod bölgələri daxildir.

Hidrometeorologiya Mərkəzinin proqnozuna görə, 22 fevral gecəsi Moskva və Moskva vilayətində cənub-qərb küləyi 6-11 m/s sürətlə əsəcək. Moskvada temperatur 7-9 dərəcə şaxta, Moskva vilayətində isə -7 ilə -12 dərəcə arasında olacaq. Yağıntı gözlənilmir. Bazar günü Moskvada gün ərzində yüngül qar yağacağı, bölgənin bəzi yerlərində isə orta dərəcədə qar yağacağı ehtimal olunur.

19 fevralda güclü qar yağması səbəbindən Moskva və ətraf bölgə üçün narıncı hava xəbərdarlığı verilib. Moskva hava limanlarında onlarla uçuş ləğv edilib. Lomonosov adına Moskva Dövlət Universitetinin Meteoroloji Rəsədxanası Moskvada qar qalınlığının 80 sm olduğunu qeydə alıb ki, bu da 72 illik müşahidələrin ən yüksək göstəricisidir.

Əziz Mustafa