Tramp İranın elektrik şəbəkəsini bir saat ərzində məhv etməklə hədələyib

ABŞ Prezidenti Donald Tramp İslam Respublikasına qarşı düşmənçilik şiddətlənərsə, İranın elektrik şəbəkəsini bir saat ərzində məhv etməklə hədələyib.

"Biz Tehranın ərazilərinə və digər nöqtələrə zərbə endirə bilərik. Əgər bu baş verərsə, onların ölkəni yenidən qurması faktiki olaraq mümkün olmayacaq. Amma biz bunu istəmirik", - deyə Tramp çərşənbə axşamı Ohayo və Kentukkiyə səfərdən qayıdarkən Vaşinqton yaxınlığındakı Endryus Hərbi Hava Qüvvələri Bazasında jurnalistlərə verdiyi açıqlamada bildirib.

Onun sözlərinə görə, ABŞ eyni vaxtda İranın elektrik şəbəkəsinə zərbə endirə bilər. "Biz onların elektrik şəbəkəsini bir saat ərzində məhv edə bilərik. Onu yenidən qurmaq üçün 25 il lazım olacaq", - deyə o əlavə edib.

28 fevralda ABŞ və İsrail İrana qarşı hərbi əməliyyata başlayıblar. Tehran da daxil olmaqla, İranın böyük şəhərləri vurulub. Ağ Ev hücumu guya Tehrandan gələn raket və nüvə təhdidlərinə istinad edərək haqlı çıxarıb. İslam İnqilabı Keşikçiləri Korpusu İsraildəki hədəflərə hücum edərək genişmiqyaslı cavab əməliyyatı elan etdi. Bəhreyn, İordaniya, Qətər, Küveyt, BƏƏ və Səudiyyə Ərəbistanındakı ABŞ hədəflərinə də zərbələr endirildi. İrana endirilən zərbələr nəticəsində Ali Rəhbər Ayətullah Əli Xamenei və İslam Respublikası rəhbərliyindəki bir neçə digər əsas şəxs həlak oldu.

Əziz MUSTAFA