Argentinada benzinin qiyməti 60% bahalaşıb

Milli valyutanı kəskin devalvasiya edən və dövlətin iqtisadiyyatda iştirakını kökündən azaltmaq niyyətində olan yeni prezident Xavyer Mayli hakimiyyətə gəldikdən sonra Argentinada yanacağın qiyməti iki həftə ərzində 60% artıb.
“The New York Times”ın yazdığına görə, Argentinada yeni prezident Xavyer Mayli hakimiyyətə gəldikdən iki həftə sonra istehlak mallarının qiyməti kəskin artıb. Radikal iqtisadi islahatlar proqramı sayəsində seçkidə qalib gələn Mayli argentinalılara xəbərdarlıq etdi ki, "yaxşılaşmadan əvvəl qiymətlər daha da pisləşə bilər" - lakin ölkənin bütün sakinləri buna hazır deyildi.

Argentina uzun müddət dəhşətli inflyasiya ilə üzləşib - illik ifadədə bu, 160% idi. Bu fenomenlə mübarizə Xavyer Maylinin seçki proqramının bir hissəsi idi. Hələlik tendensiyalar belədir ki, iki həftə ərzində benzin 60%, mal əti 73%, tərəvəzlər isə bir dəfə yarım bahalaşıb.

Xavyer Maylinin sözçüsü Manuel Adorni bildirib ki, inflyasiyanın sürətlənməsi Argentinanın sarsıntılı iqtisadiyyatının “nəhayət sabitləşməsinin” qaçılmaz nəticəsidir. Onun sözlərinə görə, vəziyyət nəhayət yaxşılaşana qədər 46 milyon argentinalı növbəti iqtisadi sarsıntıya dözmək məcburiyyətində qalacaq.

Oxuməni.az