Parisli restorançılar Olimpiadaya görə müştəri azlığından şikayətlənirlər

26 İyul 2024 07:58

Bəyəndim (0) Bəyənmədim (0)

Parisin mərkəzindəki restoranlarda Olimpiadanın açılış mərasimi üçün qurulan maneələr səbəbindən yemək yeyənlərin sayı kəskin azalıb. Bu barədə RİA Novosti-yə müəssisə sahibləri məlumat verib.

Bir həftədir ki, şəhərin mərkəzi küçələri, o cümlədən Sena çayının sahilləri metal hasarlarla bağlanıb. Bu əraziyə giriş QR kodları ilə təmin edilir və yerli sakinlərin qeyd etdiyi kimi, çoxları onları necə əldə etməyi başa düşmür. Məhdudiyyətlər iyulun 26-da axşam saatlarında keçirilməsi planlaşdırılan Olimpiadanın çayda unikal açılış mərasimi üçün tətbiq edilib.

“Biz nə baş verdiyini anlamırıq. Bu mərasim yəqin ki, çox gözəl olacaq, amma niyə Sena çayından keçirmək lazım idi? Biz artıq ərzaq ala bilmirik, hər şeyi özümüz daşımalıyıq, heç yerə sürə bilmədiyimizdən, onun üçün istisna istəməyimizə baxmayaraq, çatdırılma sifariş edə bilmirik”, - deyə restoran sahibi bildirib.

Oxuməni.az