BMT dünya ictimaiyyətini təcili olaraq iqlim strategiyalarına yenidən baxmağa çağırır

BMT-nin baş katibi Antonio Quterres dünya ictimaiyyətini bazar ertəsi rekord həddə çatan ən isti gündən sonra təcili olaraq iqlim strategiyalarına yenidən baxmağa çağırıb.

O vurğulayıb ki, ekstremal hava hadisələri adi hala çevrilir və artıq konkret bölgələr və ya qısa müddətlərlə məhdudlaşmır.

“Anormal temperaturlar artıq bir gün, bir həftə və ya bir ayla məhdudlaşmır. Bölünmüş dünyamızı birləşdirən bir şey varsa, o da hamımızın istiliyi getdikcə daha çox hiss etməyimizdir”, - Quterreş bildirib.

O, əsas sənaye ölkələrini qalıq yanacaqlardan uzaqlaşmanı sürətləndirməyə çağırışını təkrarladı və bunun iqlim dəyişikliyini yavaşlatmaq üçün əsas tələb olduğunu söylədi. İqlim dəyişikliyi səbəbindən dərinləşən bərabərsizliklə mübarizəni də gücləndirmək lazımdır.

“G20 qalıq yanacaqlardan bərpa olunan enerjiyə keçməli və həssas ölkələr və regionları dəstəkləməlidir. Milli iqlim planları hər bir ölkənin COP28-də razılaşdırılmış qlobal məqsədlərə nail olmaq üçün necə töhfə verəcəyini göstərməlidir”, - Quterreş əlavə edib.

Oxuməni.az