“Gunvor”,  “Lukoyl”-un xarici aktivlərini almaq təklifini geri götürüb

Kiprdə qeydiyyatdan keçmiş beynəlxalq neft ticarəti şirkəti “Gunvor”, Rusiyanın ən böyük özəl neft və qaz şirkəti olan “Lukoyl”--un xarici aktivlərini almaq təklifini geri götürdüyünü açıqlayıb. Şirkət bu açıqlamanı cümə axşamı günü X sosial media səhifəsində dərc edib.

“Gunvor” nümayəndələri qərarlarını ABŞ Maliyyə Nazirliyinin “Gunvor”-un Rusiya ilə əlaqələrini açıqladıqdan və Ukraynadakı müharibə bitənə qədər şirkətə biznes lisenziyası verməkdən imtina etməsindən təxminən bir saat sonra açıqlayıblar.

Nazirlik X-də dərc olunmuş bir nəşrdə bildirib ki, "Prezident Tramp müharibənin dərhal bitməli olduğunu açıq şəkildə bildirib. Putin mənasız qətllərini davam etdirdiyi müddətcə Kremlin kuklası Gunvor heç vaxt fəaliyyət göstərmək və ya mənfəət əldə etmək üçün lisenziya almayacaq".

Şirkət nümayəndələri ABŞ Maliyyə Nazirliyinin açıqlamasını "kökündən yanlış və yalan" adlandırıblar, çünki "Gunvor həmişə sahibləri və biznesi haqqında açıq və şəffaf olub və on ildən çoxdur ki, Rusiyadan fəal şəkildə uzaqlaşır, sanksiyalara uyğun olaraq ticarəti dayandırır, Rusiya aktivlərini satır və Ukraynadakı müharibəni açıq şəkildə pisləyir". Şirkət əlavə edib ki, "Bu açıq-aşkar anlaşılmazlığı düzəltmək fürsətini alqışlayırıq. Eyni zamanda, “Gunvor” şirkəti “Lukoyl” şirkətinin xarici aktivlərini əldə etmək təklifini geri götürür".

Əvvəllər ABŞ və Böyük Britaniyanın sanksiyalarına məruz qalan “Lukoyl” şirkəti 30 oktyabrda “Gunvor” şirkətinin xarici biznesini satmaq barədə razılaşma əldə etdiyini açıqlayıb. Eyni zamanda, Rusiya tərəfi digər potensial alıcılarla danışıqlar aparmayacağına söz verib.

Almaz Həsənli