Çin Asiyanın ən böyük sualtı qızıl yatağını aşkar edib

Laizhou ərazisində ümumi qızıl ehtiyatları 3900 tona çatıb.

"South China Morning Post" qəzetinin məlumatına görə, Çin Asiyanın ən böyük qızıl yatağı adlandırılan ilk sualtı qızıl yatağını kəşf edib.

Yataq ölkənin şərqində, Şandun əyalətinin Laizhou şəhərinin sahilində yerləşir. Bu kəşf Laizhou ərazisində ümumi təsdiqlənmiş qızıl ehtiyatlarını 3900 tondan çoxa çatdırır ki, bu da Çindəki bütün təsdiqlənmiş qızıl ehtiyatlarının təxminən dörddə birini təşkil edir və bölgəni qızıl ehtiyatları və istehsalı üzrə ölkənin liderinə çevirir. Yeni sualtı yatağının dəqiq ölçüsü açıqlanmayıb.

Kəşf son illərdə Çində bir sıra əsas qızıl tapıntılarının bir hissəsidir. Məsələn, 2025-ci ilin noyabr ayında ölkənin şimal-şərqindəki Lyaoninq əyalətində 1949-cu ildə Çin Xalq Respublikasının qurulmasından bəri ən böyük qızıl yatağı kəşf edilib. Qərb sərhədində, Sincan əyalətinin Kunlun dağlarında geoloqlar başqa bir yatağın ehtiyatlarını 1000 tondan çox qiymətləndiriblər.

Bu kəşflər genişmiqyaslı dövlət mineral kəşfiyyat proqramının nəticəsidir. Pekin 2021-ci ildən bəri bu proqram üçün təxminən 450 milyard yuan (5,1 trilyon rubl) ayırıb.

Əziz MUSTAFA