İlon Maskın sərvəti 800 milyard dolları keçdi

12:38

Bəyəndim (2) Bəyənmədim (0)

Amerikalı iş adamı İlon Mask sərvəti 800 milyard dolları keçən dünyada ilk insan olub. Oxuməni.az “Forbes”-in məlumatına istinadən xəbər verir.
Bu, onun SpaceX şirkətinin süni intellekt sahəsində ixtisaslaşan və Grok çatbotunu hazırlayan özünün xAI şirkətini almasından sonra baş verib. Forbes-in hesablamalarına görə, bu sövdələşmə Maskın sərvətini 84 milyard dollar artıraraq rekord həddə – 852 milyard dollara çatdırıb.
Forbes-in ən zəngin insanlar siyahısında ikinci yerdə Google-un həmtəsisçisi Larri Peyc qərarlaşıb. Nəşr onun sərvətini 281 milyard dollar qiymətləndirir.
Sövdələşmədən əvvəl Mask 336 milyard dollar dəyərində SpaceX səhmlərinin 42%-nə, həmçinin 122 milyard dollar dəyərində xAI səhmlərinin 49%-nə sahib idi. Forbes-in hesablamalarına görə, sövdələşmədən sonra Mask birləşmiş şirkətin 542 milyard dollar dəyərində səhmlərinin 43%-nə sahibdir. Forbes belə nəticəyə gəlir ki, "bu, SpaceX-i Maskın ən dəyərli aktivinə çevirir".
Almaz Həsənli