Vəsvəsəli insanlar əslində xəstədirlər

Təmizlik kimi vəsvəsələr insanı çirklənmədən uzaqlaşdırdığı üçün faydalı kimi qəbul edilə bilər. Lakin ekspertlər tibbi baxımdan faydalı vəsvəsənin olmadığını deyir və “obsesif-kompulsif pozğunluq” barədə xəbərdarlıq edirlər. Faydalı olmaqdan başqa, obsesyonlar artarsa, müalicə tələb oluna bilər. Gecə yatmazdan əvvəl dəriyə qulluq etmək, ayaqqabını bağladıqdan sonra əlləri yumaq, səhər ofisə çatan kimi masanı təmizləmək, amma ara vermədən bunu etmək vərdişdir, yoxsa vəsvəsə? Yoxsa ən yaxşı restorana güvənməmək və təmiz olduğunu bildiyimiz halda yalnız evdə yemək vəsvəsəsi günün sonunda bizə xeyir verirmi? Suallara tez cavab verək: Psixi sağlamlıq mütəxəssislərinin fikrincə, tibbi və elmi mənada “faydalı vəsvəsə” deyə bir şey yoxdur. Mütəxəssis Psixoloq Alanur Özalp restoranda təmiz olmasına baxmayaraq yemək yeyə bilməmək kimi şərhlərin bəhanə kimi görüldüyünü bildirir. Özalp açıqlamasında “İnsanların güvəndiklərini yemək istəməsi normaldır, ancaq heç yerə gedib yeyə bilməmələri bir problem olduğunu göstərir. Bu problemin arxasında da müəyyən psixoloji səbəblər dayanır”.

Özalp qiymətləndirməsinə bu sözlərlə davam edir:

“Pilləkənlərin altında gəzmək və ya qara pişiyi görmək kimi vəsvəsələrimiz ola bilər. Ancaq xəstəlik dediyimiz bir vəsvəsə var. Biz buna obsesyon, yəni OKB deyirik ki, bu da xəstəlikdir”.

OKB-də bir şeyi birdən çox etmək və bunu etmədən özünü rahat hiss edə bilməmək olduğunu qeyd edən Özalp, son olaraq bu davranışların xəstəlik halında insana zərər verdiyini və insanın həyatını çətinləşdirdiyini xüsusi vurğulayır və müalicəsinin aparılmasının mütləq olduğunu qeyd edir.

Murad Şahməmmədov