Avropada elektromobil satışları artmaqda davam edir

Avropanın 30 müxtəlif ölkəsində 500.000-dən çox şarj nöqtəsi təklif edən Hyundai, hərtərəfli doldurma infrastrukturuna verdiyi dəstəyi ilə elektromobillərin gələcəyinə sadiqliyini nümayiş etdirir. Bütün dünyada olduğu kimi, Avropada da elektromobil satışları artmaqda davam etdikcə, Hyundai əsas enerji doldurma təminatçıları ilə əməkdaşlıq etməyə davam edir. Avropalı sürücülərin səyahət etmək istədikləri istiqamətlərə təhlükəsiz şəkildə çatması üçün möhkəm bir şarj şəbəkəsinin olması lazım olduğunu müdafiə edən Hyundai bu mənada proaktiv bir yanaşma tətbiq edir. Qitədə şarj nöqtələrinin sayının getdikcə artması elektrikli nəqliyyat vasitələrinin əhatə dairəsi ilə bağlı narahatlıqları azaldır, yüksək güclü şarj cihazları isə batareyanın doldurulma müddətlərini əhəmiyyətli dərəcədə qısaldır.

“Charge my Hyundai” modeli Avropanın məşhur stansiyalarında enerji ilə doldurmağa imkan verən qüsursuz doldurma təcrübəsi təqdim edir. Sürücülər “Charge my Hyundai” tətbiqi ilə müxtəlif tariflərdən birbaşa faydalana, eyni zamanda bir aylıq faktura ilə Avropa üzrə bütün şarj seanslarını ödəyə bilərlər. “Charge my Hyundai” proqramını yüklədikdən sonra Android və İOS istifadəçiləri naviqasiya dəstəyindən, həmçinin şarj nöqtələri üçün asan axtarış funksiyasından istifadə edə bilərlər. Siz səyahət boyu çek növü, şarj sürəti və giriş növü kimi filtr seçimlərini tətbiq edə və mövcudluq kimi real vaxt yeniləmələrindən faydalana bilərsiniz.

Hyundai həmçinin bu il “IONIQ 6” ilə “Plug and Charge” xidmətini aktivləşdirəcək. Doldurma prosesini daha asan və təhlükəsiz edəcək Hyundai, şarj müddətində də xeyli vaxta qənaət edəcək. “IONIQ 6” sahibləri, doldurma prosesini başlamaq üçün avtomobillərini doldurma nöqtəsinə yerləşdirdikdən sonra, RFID kart oxunması və ya şarj üçün tələb olunan telefon proqramından başlayaraq, avtomatik tanıma sistemi ilə şarj etməyə başlayacaqlar.

Murad Şahməmmədov